Биыл тау-кен саласында 6,5 мың жаңа жұмыс орны ашылады

АСТАНА. KAZINFORM – Үкімет отырысында Өнеркәсіп және құрылыс министрінің орынбасары Олжас Сапарбеков биыл тау-кен саласында 23 мың жаңа жұмыс орны ашылатынын мәлім етті.

- Биыл 23 мыңға жуық тұрақты жұмыс орнын құратын, жалпы құны 1,6 трлн теңге болатын1 90 өнеркәсіп жобасын іске қосу жоспарланып отыр. Тау-кен металлургия саласында 6,5 мың жұмыс орнын құратын жалпы құны 444 млрд теңге болатын 28 жоба бар, - деді вице-министр.

Оның ішінде мынандай ірі жобалар бар:

- Қарағанды облысындағы тік тігісті болат құбырлары және алюминий радиатор жобалары;

- Түркістан облысындағы алюминий профильдерін өндіру;

- Ақмола облысындағы алюминий бұйымдарын шығару;

- Павлодар облысындағы ферроқорытпа өндірісі;

- Жамбыл облысындағы катодты мыс өндіру жобалары.

Айта кету керек, елімізде алтын қымбаттап, бір грамының бағасы шамамен 56 527 теңгеге жетті.