Биыл жаңартылмалы энергия өндіру көлемі арта түсті

АСТАНА. KAZINFORM – Биылғы бірінші тоқсанда Қазақстанда жаңартылатын энергия көздері (ЖЭК) саласындағы негізгі көрсеткіштердің өсуі тіркелді.

Есептік кезеңнің соңында ЖЭК нысандарының жиынтық белгіленген қуаты 3082,12 МВт-ты құрады, оның ішінде:

• жел электр станциялары – 1570,05 МВт;
• күн электр станциялары – 1222,61 МВт;
• шағын су электр станциялары – 287,685 МВт;
• биоэлектр станциялар – 1,77 МВт.

ЖЭК нысандарында өндірілген электр энергиясының жалпы көлемі 1961,6 млн кВт·сағ-ты құрады, оның ішінде:

• жел электр станцияларымен – 1417,19 млн кВт·сағ;
• күн электр станцияларымен – 373,503 млн кВт·сағ;
• шағын су электр станцияларымен – 170,253 млн кВт·сағ;
• биоэлектр станцияларымен – 0,652 млн кВт·сағ.

Елдегі жалпы электр энергиясы өндірісіндегі ЖЭК үлесі 5,93%-ды құрады.

- 2024 жылдың сәйкес кезеңімен салыстырғанда, ЖЭК нысандарында электр энергиясын өндіру көлемі 11,4%-ға өсті. Бұл Қазақстан Республикасында жаңартылатын энергетика секторының тұрақты даму үрдісін көрсетеді, - деп жазды Энергетика министрлігінен.

Айта кетейік, Абай облысында оқушы гидроэлектростанция жасап шықты.