ТАШКЕНТ. KAZINFORM – Өткен жылы 30 ел Өзбекстанға 197,84 млн долларға бағаланған гуманитарлық көмек жіберген. Бұл 2022 жылмен салыстырғанда 2,2%-ға көп, деп хабарлайды Kazinform агенттігінің Ташкенттегі меншікті тілшісі Әлихан Асқар.
Өзбекстан экономика және қаржы министрлігінің мәліметінше, гуманитарлық көмектің 83,6%-ы мына 5 елдің үлесінде:
Германия - $71,38 млн (жалпы көлемнің 36%);
Қытай - $27,47 млн (13,9%);
АҚШ - $23,23 млн (11,8%);
Бельгия - $22,62 млн (11,4%);
Швейцария - $20,76 млн (10,5%).
Оның ішінде денсаулық сақтау саласына - $169,23 млн, әлеуметтік бағытқа - $1,24 млн доллар, экология және қоршаған ортаны қорғауға - $943,2 мың, білім саласына $247,2 мың бағытталған.
Еске салайық, 2022 жылы Өзбекстан 27 елден келген 193,6 млн доллардың гуманитарлық көмегін қабылдаған еді.
Әлихан Асқар
2018 жылы А. Байтұрсынов атындағы Қостанай мемлекеттік университетін журналистика мамандығы бойынша тәмамдаған. Әр жылдары облыстық Qostanai, республикалық Astana TV, «Жетінші арна» телеарналарындағы бағдарлама және жаңалықтар бөлімінде қызмет етті. «ҚР Президенті телерадиокешенінде» 2022 жылдың мамырынан бастап еңбек етеді. 2023 жылдан бері Kazinform агенттігінің Өзбекстандағы меншікті тілшісі.