Желіде көктемгі су босату шараларынан соң Ертіс өзенінің деңгейі күрт төмендеп кеткені туралы видеолар пайда болды. Видео авторларының айтуынша, бұрын осы уақытта өзеннің кейбір әсем тұстарында су кемеріне келіп, толып тұратын. Алайда биыл арнаның төмен түсіп кеткені, ағысы баяулап қалғаны байқалады.
Мамандар Шығыс Қазақстан мен Абай өңірлерінде маусым айы жаңбырлы болатын болса, Шүлбіге жиналатын судың деңгейі артатынын, соған орай Ертіске босатылатын судың көлемі де өсетінін айтады. Сондықтан өзен бойындағы жұрт жаздың мол жауынынан үмітті.
Еске сала кетейік, биыл Ертіс жайылмаларының 80 пайыздан астамын ғана су басты.