АСТАНА. ҚазАқпарат - 2015 жылғы 1 сәуірдегі жағдай бойынша еліміздегі халық саны 17 476,1 мың адам, соның ішінде қалалықтар - 9 916,6 мың (56,7 пайыз), ауылдықтар - 7 559,6 мың адам (43,3 пайыз). Бұл туралы ҚР ҰЭМ Статистика комитетінен хабарланды.
Атап айтқанда, 2014 жылғы 1 сәуірдегі көрсеткішпен салыстырғанда халық саны 255 мың адамға немесе 1,48 пайызға өсті.
АХАТ органдары ұсынған азаматтық хал актілері жазбаларындағы мәліметтерді өңдеу нәтижесінде, биылғы қаңтар-наурызда туылғандар саны 92,1 мың бала, бұл 2014 жылғы қаңтар-наурыздағы жағдайға қарағанда 0,8 пайызға кем.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.