22:28, 20 Шілде 2023

Бірде-бір министр жағажайда қыздырынып жатпауы керек - Қырғызстан үкіметі басшысының орынбасары

БІШКЕК. КАБАР-ҚазАқпарат – «Шенеуніктер, әсіресе министрлер тынбай жұмыс істеуі керек». Министрлер кабинетінің отырысында Қырғызстан министрлер кабинеті басшысының орынбасары - Ұлттық қауіпсіздік мемлекеттік комитетінің төрағасы Камчыбек Ташиев осылай ескертті, деп хабарлайды ҚазАқпарат «Кабар» агенттігіне сілтеме жасап.

«Министрдің креслосында отырған кезде Ыстықкөлде демалып, әйтеуір ерсілі-қарсылы бос жүрмеулеріңіз керек. «Адамдар демалып жатыр, мен де демалам» дегенді доғару қажет. Біз қызу жұмыс істеуіміз керек, бізде демалыс болмауы тиіс. Бірде-бір министр жағажайда күнге қыздырынып жатпауы керек. Құрметті министрлер, мұндайды көрмейтін болайын. Мен де шара қолданам. Үйлеріңізде демалыңыздар. Министр болған екенсіздер, жұмыс істеңіздер. Бізде демалыс болмайды», - деді ол.

Мемлекеттік қызметші Қырғызстан Әлем Әлем жаңалықтары

Гүлнұр Ғазизқызы

Әл-Фараби атындағы ҚазҰУ журналистика факультетінің түлегі. Еңбек жолын «Қазақ әдебиеті», «Сақшы» газеттерінен бастаған. «Дала мен Қала» республикалық қоғамдық-саяси апталығында тілші, жауапты хатшы болып істеді. «Қазақстан-Ақтау» телеарнасының тілшісі, «Қазақстан» Ұлттық арнасының Маңғыстау облысындағы меншікті тілшісі, Маңғыстау облысы әкімі баспасөз қызметінің бас маманы, «Қазақстан» РТРК» АҚ Маңғыстау облыстық филиалы директорының орынбасары – бас редакторы болды. Ақпарат саласының үздігі. «ҚР Президенті телерадиокешенінде» 2022 жылғы 1 сәуірден бастап істейді. Kazinform халықаралық ақпарат агенттігі басқарушы директорының орынбасары – қазақ редакциясының бас редакторы.