Бірінші лигада «Ақжайық» «Түркістанды» тізе бүктірді
ОРАЛ. ҚазАқпарат – Футболдан бірінші лига командалары арасында Қазақстан чемпионатының 14-турында Оралдың «Ақжайығы» өз алаңында «Түркістанды» қабылдады, деп хабарлайды ҚазАқпарат тілшісі.
Фото: Айбатыр Нұраш
Тартысты өткен ойында бірінші таймда есеп ашылған жоқ.
Екінші кезеңде 67-минутта ресейлік Евгений Кобзарь 11 метрлік айып добын дәл орындап, «Ақжайыққа» жеңіс әперді – 1:0.
Осылайша, 13 кездесуден кейін 25 ұпай жинаған қазақстандық маман Игорь Прохницкийдің шәкірттері турнир кестесінде үшінші орынға көтерілді.
Бүгін «Академия Оңтүстік» пен «Екібастұз» 1:1 есебімен тең тарқасса, «Жас қыран» «Таразды» 4:2 есебімен тізе бүктірді.
14-тур ойындары ертең жалғасады.
Оралдықтар келесі матчын 13 шілдеде Ақтөбеде «Ақтөбе-Жас» командасымен өткізеді.
Еске сала кетейік, бұдан бұрын Қазақстан құрамасының ойыншысы Ян Вороговскийдің «Астанаға» алынғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).