Бірінші лигада «Қайрат» пен «Ақжайық» көш бастап келеді

ОРАЛ. Мамырдың 18-і. ҚазАқпарат /Ғайсағали Ералы/ - Футболдан Қазақстан чемпионаты бірінші лигасы командалары арасында Алматының «Қайраты» мен Оралдың «Ақжайығы» көш бастап келеді,

деп хабарлайды ҚазАқпарат тілшісі. Мамырдың 16-сы күні өткен кезекті турда «Қайрат» өз алаңында «Ақтөбе-Жас» командасын 4:0 есебімен ойсырата ұтса, оралдықтар Теміртаудың «Болатын» 1:0 есебімен тізе бүктірді. Оралдықтардан команданың мерген шабуылшысы Алексей Мальцев көзге түсті. Оның есебінде төрт доп бар. Қазір қос команданың да 12-ден ұпайы бар. Доп айырмасы жөнінен «Қайрат» алда тұр. «Ақжайық» келесі ойындарын сырт алаңдарда өткізеді. Мамырдың 23-інде «Ақтөбе-Жаспен» күш сынасса, мамырдың 26-сында Ақтауда «Каспиймен» кездеседі.