«Осы тұрғыда азаматтардың хабарламалары комитеттің Facebook желісіндегі ресми аккаунтына келіп жатқандығын айтқым келеді», - деп тоқталды ресми өкіл. Сонымен қатар оның сөзіне қарағанда, мемлекетіміздің азаматтарының мүддесін қорғау үшін Қазақстан Республикасының Әзербайжан Республикасындағы, Беларусь Респуликасындағы (Минск, Брест қалалары), Ресей Федерациясындағы (Мәскеу, Санкт-Петербор қалалары), Корея Республикасындағы, Қырғыз Республикасындағы, Түрік Республикасындағы және Бельгия Корольдігіндегі кеден қызметінің өкілдіктері Facebook-те өздерінің аккаунттарын ашты. Аталған әлеуметтік желіде өкілдіктер өз қызметі туралы Қазақстан Республикасы азаматтарының барлық сұрақтарына жауап беруге, сондай-ақ күрделі мәселелерді шешуде ықпал етуге дайын.
18:23, 12 Қараша 2015
Бірқатар елдердегі ҚР Кеден қызметінің өкілдіктері Facebook-те өздерінің аккаунттарын ашты
АСТАНА. ҚазАқпарат - Бірқатар елдердегі ҚР Кеден қызметінің өкілдіктері Facebook-те өздерінің аккаунттарын ашты. Бұл туралы Астанада өткен баспасөз мәслихатында ҚР Қаржы министрлігі Мемлекеттік кірістер комитетінің ресми өкілі Жамбыл Сұрағанов мәлім етті.