Оның айтуынша, Бірыңғай кедендік тарифтің жаңа редакциясы Еуразиялық экономикалық комиссиямен шілде айында қабылданған болатын.
«Бұл ретте әкелінетін кедендік тариф шамамен 11 мың позицияның бір мыңға жуығына әсер етеді. Алдын ала есептеу бойынша Бірыңғай кедендік тарифтің жаңа редакциясына көшу барысында әкелінетін кедендік баждың орташа сараланған ставкасы 9,6 пайыздан 7,5-7,8 пайызға дейін төмендейді. Бұндағы әңгіме ең бірінші кезекте 2008-2009 жылдары дағдарыс кезеңінде көтерілген импорттық баждарға қайта оралу туралы болып отыр», - дейді Ж. Есмұханов.
Оның айтуынша, кедендік тарифтің ставкаларындағы өзгерістер негізінен азық-түлік пен тұтыну тауарларын қамтыған.