Қырғызстан Республикасының Денсаулық сақтау министрлігінің мәліметіне сүйенсек, бүгін Дача-Су ауылында тұратын бес бала Бішкектегі №3 балалар ауруханасына жатқызылды. Бастапқы мәліметтерге сенсек, олар әуе керосинінен уланған.
Еске сала кетейік, 16 қаңтар күні сағат таңғы 7.31-де Бішкектің Дача-Суу ауылында әуежайға жақын жерде Гонконгтен Түркияға бет алған Boeing-747 жүк ұшағы құлады. Апат салдарынан 38 адам мерт болды, зардап шеккендердің бірі кеше ауруханада көз жұмды.