Бишімбаевтың соты аяқталуға жақын: Сот алқа билерге сұрақтар дайындауға кірісті

АСТАНА. KAZINFORM – Қуандық Бишімбаев пен Бақытжан Байжановтың ісі бойынша сот процесі 13 мамырда жалғасатын болды. Оған дейін ережеге сәйкес, тараптар алқа билерге сауалдарын дайындап үлгеруге тиіс.

– Тараптар алқа билерге қойылатын, соттың шешуіне жататын сұрақтарды талқылайды. 

Алқа билер мәселелерді талқылау және қалыптастыру үшін кеңесу бөлмесінде болуы керек. Сондықтан да алқа билерден залдан шығып, трансляцияны тоқтатуды, сондай-ақ БАҚ өкілдерінен залдан шығуды сұраймын, - деді судья Айжан Құлбаева бүгінгі сот отырысында.

Айта кетейік, сұрақтар алқа билердің, БАҚ-тың қатысуынсыз және трансляциясыз әзірленеді.

Естеріңізге салсақ, бұған дейін Астана қаласының қылмыстық істер жөніндегі мамандандырылған ауданаралық сотында өтіп жатқан сот процесінде бүгін екі айыпталушы – Қуандық Бишімбаев пен Бақытжан Байжанов соңғы сөзін айтқан болатын.