Биткойн бағасы ең жоғары деңгейге жетті

АСТАНА. KAZINFORM – Binance платформасының деректері бойынша биткойн бағасы өзінің тарихи максимумын жаңартып, $113 мыңнан асты, - деп хабарлайды ТАСС.

Мәскеу уақытымен 19:24-те криптовалюта $112 мың белгісін еңсеріп, рекордтық $112,106 мыңға жетті (+2,7%).

Мәскеу уақыты бойынша сағат 19:39-да биткоин бағасы тез өсіп, 112 682 мың долларға (+3,06%) болды.

Мәскеу уақыты бойынша сағат 20:11-де биткоин құны өзінің өсуін айтарлықтай жеделдетіп, $113 000 шегінен асып, 113 211 мың долларға (+3,6%) жетіп, рекордты жаңартты.

Биткойн — жүйенің кез келген қатысушысы «өндіре» алатын (шығара алатын) блокчейн технологиясына негізделген аттас криптовалютаның орталықтандырылмаған жүйесі. Ол үшін жүйенің жаңа блоктарын жасау керек.

Тұжырымдаманы 2008 жылдың қарашасында оның авторы (мүмкін авторлар тобы) Сатоси Накамото бүркеншік атымен жариялады. Биткоиннің танымалдылығының шыңы соңғы жылдары ғана байқалды. Биткоиннің шығарылуы табиғи түрде шектеулі, биткоиннің көп бөлігі қазірдің өзінде «өндірілген».

Аустралиялық сенатор биткойнды «қаржылық пирамида» деп атап, оны сынға алғанын жазған едік.

Израильдің Иранға соққы беруінен биткойн бағасы 104 мың доллардан төмен түсті.