Бұл жайында ҚР Көлік және коммуникация министрілігі таратқан ақпаратта айтылған.
Ведомствоның атап өтуінше, ағымдағы жылы «Алматы - Петропавл», «Астана - Ақтөбе» бағдарларына жаңа Тальго жолаушылар жүрдек пойызы шығарылды.
№ 1/2 «Алматы - Астана», 25/26 «Алматы - Шымкент», 151/152 «Алматы - Петропавл» пойыздарына отырғызу автоматтандырылған бақылау жүйесі арқылы жүргізілуде. Ал, № 1/2 «Алматы - Астана» пойызы және 5 вокзал, сонымен бірге Қостанай, Қызылорда, Тараз, Семей қалаларындағы облыстық маңыздағы вокзалдар Wi-Fi жүйесімен қамтылды.
«Теміржол билеттерін сатуға арналған 2,5 мың терминал орнатылды, бұл билеттерді электронды түрде сатып алудың танымалдылығын арттыра түсті. Биыл жолаушылар 1 млн. астам билетті электронды әдіспен сатып алды»,- делінген хабарламада.