Оның айтуынша, бүгінгі таңда облыста 706 мемлекеттік орган жұмыс істейді. Бұл органдарда 5962 мемлекеттік лауазым болса, оның 7-і саяси да, 25-і «А» корпусының мемлекеттік лауазымдары.
«Уәкілетті орган әзірлеген кешенді аттестаттауды өткізудің тәсілдемелеріне сәйкес, жекелеген санаттарды қоспағанда, облыста 3224 мемлекеттік қызметші аттестациялаудан өтеді. Тестілеуді күніне 4 лектен өткізу жоспарланып отыр. Тестілеу залындағы жұмыс станцияларының (компьютерлердің) саны-34. Онда бір күнде 136 адам тестілеуден өте алады. Осыған байланысты ағымдағы жылдың қаңтар айынан бастап, маусым айына дейінгі алдын ала желілік кестесі әзірленіп, аттестаттаудан өту кезегінің тізімі жасалды»,- деді Б.Беспалинов.
Сонымен қатар, департамент басшысы зейнет жасына 2 жыл қалған, аяғы ауыр, бала күту демалысындағы және 6 ай еңбек өтілі жоқ тәрізді санаттағы мемлекеттік қызметшілердің аттестациялаудан босатылатынын да атап өтті.