Биыл Ақмола облысының ауылдары мен қалаларында 11 мектеп пайдалануға берілмек
«Білім беру саласында Аршалы ауданының Жібек жолы, Сандықтау ауданының Петровка, Целиноград ауданының Жаңа жол және Өтеміс ауылдарында, Қосшы және Көкшетау қалаларында 7 мектептің, Ақкөл ауданының Ақкөл қаласында салынып жатқан мектепке қосымшаның құрылысын аяқтау жоспарланып отыр», - деп жазылған облыс әкімдігінің сайтында жарияланған жартыжылдық есепте.
Сондай-ақ, өңір аумағында «Жайлы мектеп» ұлттық жобасы аясында 10 мектеп салынады.
«Аршалы, Біржан сал, Целиноград аудандарында, Степногор, Қосшы, Көкшетау қалаларында 7 мектеп, сондай-ақ 5 балабақша салу жұмыстары жалғасып жатыр. «Жайлы мектеп» ұлттық жобасы шеңберінде 10 мектептің құрылысын бастау көзделген. Атап айтқанда, Целиноград ауданында 8 мектеп: Қаражар, Қажымұқан, Қараөткел, Қабанбай батыр, Қоянды, Ақмол ауылдарында 1 мектептен және Талапкер ауылында 2 мектеп, Көкшетау қаласында 2 мектеп», - делінген құжатта.