«Ағымдағы жылы Ақтоғай, Бұхар жырау, Жаңаарқа және Ұлытау аудандарындағы, сонымен қатар Қарағанды, Теміртау, Приозерск пен Сәтбаевтағы 15 сумен қамту нысанының құрылысын аяқтау жоспарланған.
Елді мекендердегі сумен қамту нысандарында құрылыс-жинақтау жұмыстары аяқталуға жақын. Қазан айында көпшілігі қолданысқа беріледі», - деді басқарма басшысы облыс әкімі Нұрмұхамбет Әбдібеков төрағалық еткен кеңесте.
2015 жылдың басында облыста 224 елді мекен немесе олардың жалпы санының 53,5% орталықтандырылған сумен қамту жүйесіне қосылады, деп атап өтті ол.