«ҚР ИЖТМ Өнеркәсіп комитетінің деректері бойынша, 2013 жылдың 10 айы қорытындысы бойынша Қазақстан нарығындағы отандық өндірістегі цемент үлесі 80 пайыздан асып кетті (6,2 млн.тонна өндірілді, 1,6 млн.тонна импортталды)», - делінген ҚР ИЖТМ Ақпарат басқармасының мәліметінде. Осы уақытта цементті өндіру бойынша жалпы жобалау қуаттылығы жылына 10,74 млн.тонна өнім шығара алатын 10 зауыт қызмет етеді. Батыс өңірінде «Каспийцемент» ЖШС-і 2013 жылдың соңында қуаттылығы жылына 1 млн. тонна құрайтын өндірістің қосылуын іске асырды. 2014 жылы Ақмола облысында қуаттылығы жылына 2 млн. тонна өнім шығара алатын «Көкшецемент» ЖШС-інің жаңа зауытын іске қосу жоспарлануда.
11:06, 15 Қаңтар 2014
Биыл Қазақстанның батыс және солтүстік өңірлері цемент импортынан толықтай бас тартуы мүмкін
АСТАНА. 15 қаңтар. ҚазАқпарат - Маңғыстау облысындағы «Каспийцемент» АҚ-ы (қуаттылығы жылына 1 млн. тонна өнім) және Ақмола облысында «Көкшецемент» ЖШС-і (қуаттылығы жылына 2 млн. тонна) секілді жаңа өндірістерді іске қосылуы өнім импортынан толықтай бас тартуға, экспорт көлемін ұлғайтуға және еліміздің батыс пен солтүстігіндегі бағалардың маусымдық көтерілу факторын азайтуға мүмкіндік береді.