НҰР-СҰЛТАН. ҚазАқпарат - Қазақстандық «Барыс» командасының қатысуымен өтетін Құрлықтық хоккей лигасы ойындары күзде басталады, деп хабарлайды ҚазАқпарат тілшісі.
Құрлықтық хоккей лигасы (ҚХЛ) және Ресей хоккей федерациясы (ФХР) 2022-2023 жылғы кезеңді өткізу құрылымын мақұлдады. Онда қазақстандық «Барыс» командасы сынға түседі.
Құрлықтық хоккей лигасының 15-маусымы 2022 жылдың 1 қыркүйегінде жалауын көтереді. Алғашқы кездесуде Ресейдің ЦСКА (Мәскеу) және «Металлург» (Магнитогорск) командалары мұз айдынға шығады.
Құрлықтық хоккей лигасының тұрақты чемпионаты 2023 жылдың 26 ақпанына дейін созылады. Ал Гагарин кубогы 1 наурыз және 29 сәуір аралығында өтеді.
Әрбір командаға тұрақты чемпионатта 68 ойыннан белгіленген.
Еске салсақ, бұдан бұрын шайбалы хоккейден Президент кубогына қандай командалардың қатысатыны белгілі болды.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.