АСТАНА. 2 мамыр. ҚазАқпарат - Биылғы сәуірде 2012 жылғы сәйкес кезеңмен салыстырғанда ұн бағасы 14,2 пайызға, макарон өнімдері - 11,2 пайызға, жемістер мен көкөніс - 9,8 пайызға, кофе, шай және какао - 5,4 пайызға, сондай-ақ тоқаш пен ұннан жасалған өнімдердің бағасы 5,2 пайызға өсті. Бұл туралы ҚР Статистика агенттігінен хабарланды.
Бұған қоса, балық пен теңіз өнімдерінің бағасы - 5 пайызға, алкогольдік ішімдіктер - 4 пайызға, сүт өнімдері 3,8 пайызға, кондитерлік өнімдер - 3,5 пайызға, майлар - 3,1 пайызға, нан бағасы - 2,5 пайызға жоғарылады.
Бағаның арзандауы жармаларға - 15,9 пайыз, ал қантқа - 7,4 пайыз деңгейін белгіленді.
Аталған мерзімде ет және ет өнімдеріне бағаның өсімі 4,6 пайызды құрады. Қой етінің құны 6,4 пайызға, шошқа еті - 5 пайызға, жылқы еті - 4,9 пайызға, шұжық өнімдері 4,4 пайызға, ірі қара еті 4,3 пайызға, сонымен қатар құс етінің бағасы 4,1 пайызға жоғары болды.
Руслан Ғаббасов
Ақмола облысының Біржан сал ауданында дүниеге келген. Л.Н. Гумилев атындағы Еуразия ұлттық университетінің журналистика факультетін бітірген. 2005 жылдан бері «ҚазАқпарат» халықаралық ақпарат агенттігінде жұмыс істеп келеді.