Бұл туралы бүгін Үкімет отырысында Ауыл шаруашылығы министрі Асылжан Мамытбеков мәлім етті. «2012 жылы шаруашылықтардағы мал басы 20,1 пайызға өсті, ал 2013 жылғы қаңтар-маусымда бұл көрсеткіш 22,8 пайызға артты. Сонымен қатар, 2009-2012 жылдар аралығында агрошаруашылықтарда ірі қара мал басының жалпы көлемінде аналық мал басының үлесі 37,2 пайыздан 43,9 пайызға дейін өсті», - деді министр.
Оның пайымдауынша, саладағы аталған үдеріс әлі де жеткіліксіз. Бұл тұрғыда ауыл шаруашылығы саласына инвестицияның төмен деңгейі тежеуіш фактор ретінде әсер етуде.