Биылғы жылдың 11 айында елімізде 22 судья отставкаға жіберілген
Бұл мәліметтерді бүгін республика соттарының 2011 жылғы жұмысының қорытындылары жөніндегі кеңейтілген кеңес барысында Жоғарғы сот төрағасы Бектас Бекназаров жария етті.
«Биылғы жылы біз кадр мәселесіне байланысты ауқымды жұмыстар жүргізіп, оның ішінде кадрлық өзгерістер де орын алды. 11 айда елдегі 22 судья отставкаға кетті. Сонымен қатар түрлі себептер бойынша 59 судья лауазымынан айырылды. Олардың арасында өздерінің орындарын ауыстыруға мәжбүр болған азаматтар да жетерлік», - деді Жоғарғы сот төрағасы.
Оның деректерінше, республика бойынша судьяларға қойылатын талаптарды орындамағаны үшін 14 судья қызметінен босатылды.
«Біз өз арамызды өз міндеттерін талапқа сай атқара алмайтын қызметкерлерден тазартуды алдағы уақытта да жалғастыра беретін боламыз», - деп атап көрсетті Б.Бекназаров.
Оның мәліметтерінше, елдегі судья лауазымы сақтала отырып, жергілікті соттың судьясы қызметінен босатылған азаматтар - 6. «Босаған орындарға біз лайықты кандидаттарды алуға күш салдық. Батыс Қазақстан, Маңғыстау, Ақтөбе, Атырау облыстық соттары төрағаларының орындарына жаңа адамдар келді», -деді Жоғарғы сот төрағасы.