«2014 жылдың өткен кезеңінде елімізде 7256 өрт тіркеліп, келтірілген материалдық шығын 1 млрд. 549 млн. теңгені құрады. 2013 жылмен салыстырғанда өрттің саны 18 пайызға өсіп, бұл ретте материалдық шығын 18 пайызға, адамдардың өлім-жітімі 23 пайызға төмендеді. Сонымен қатар өрт кезінде жарақат алғандар саны 19 пайызға артты»,-деді ол.
М. Қайсановтың сөзіне қарағанда, өрт қауіпті кезең басталған сәттен бері орман қоры аумағында 250 өрт шығып, 2013 жылдың осы кезеңімен салыстырғанда өрттің 2,3 есе артқаны байқалды (2013 жылы - 108 өрт). Сонымен қатар,тілсіз жау шарпыған аумақ 23 пайызға төмендеп, 1223 гектарды құрады. 2014 жылы келтірілген шығын сомасы 20 млн, 634 мың теңгеге жетті.