Синдзо Абэ Нұрсұлтан Назарбаевты президенттік сайлаудағы айқын жеңісімен құттықтады.
«Қазақстан мен Жапония арасындағы қарым-қатынастар саяси ғана емес, әлеуметтік-экономикалық салада да дамып, бұл орайдағы ынтымақтастық жаңа сатыға көтерілді. Сонымен қатар, біз халықаралық қоғамдастық аясында ядролық қарусыздану мәселесіне байланысты бір-бірімізді қолдаймыз. Мемлекеттерімізді жақындастыру мақсатында ынтымақтастықты одан әрі жандандырып, Қазақстан мен Жапонияның екіжақты қатынастарын дамытуға ниетті екенімді білдіремін», - делінген құттықтауда.
Соңында С.Абэ Мемлекет басшысына бақыт пен табыс, ал Қазақстан халқына бақ-береке тіледі.