БҚО: 18 жастағы жігіттің жоғалып кетуіне байланысты қылмыстық іс қозғалды
ОРАЛ. KAZINFORM – Батыс Қазақстан облысында 18 жастағы жігіттің жоғалып кетуіне байланысты қылмыстық іс қозғалды.
Фото: Виктор Федюнин / Kazinform
БҚО полиция департаментінің баспасөз қызметінен мәлім еткеніндей, Бәйтерек ауданы Рубежка ауылының тұрғыны 10 маусым күні полицияға хабарлама түсірген.
Анасы 2005 жылы туған ұлы Игорь Исраиловтың 6 маусым күні шамамен сағат 08.20-да үйден шығып кетіп, осы уақытқа дейін оралмағанын көрсетті.
Фото: https://www.instagram.com/policebqo/
«Аталмыш дерек бойынша қылмыстық іс қозғалып, жедел іздестіру іс-шаралары жүргізілуде. Жігітті іздеу үшін БҚО полиция департаментінің барлық жеке құрамына бағдар берілді. Оның жұмыс іздеп кеткені белгілі болды. Бұрын И.Исраилов туыстарының ескертуінсіз бірнеше рет кетіп, шаруа қожалықтарында жұмыс істеген. Егер кімде-кім оның орналасқан жері туралы білсе, дереу полиция қызметінің 102 нөміріне хабарласуы сұралады», - деп хабарлады ведомстводан.
Еске сала кетейік, бұдан бұрын БҚО-да жоғалып кеткен 18 жастағы жігіттің төрт күннен бері табылмай жатырғанын жазған болатынбыз.
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).