ОРАЛ. ҚазАқпарат - Батыс Қазақстан облысында үйге басып кіріп, кісі тонаған тұрғын қолға түсті, деп хабарлайды ҚазАқпарат тілшісі.
Облыстық ішкі істер департаментінің баспасөз қызметінен түскен мәліметке қарағанда, оқиға 3 маусым күні сағат 01.00 шамасында Зеленов ауданы Егіндібұлақ ауылында болған.
Белгісіз біреу тұрғын үйдің есігін бұзып кіріп, 1940 жылғы әйелді пышақпен қорқытып, 3 мың теңге ақшасы мен ұялы телефонын жымқырып кеткен.
Жедел іздестіру шаралары барысында осы қылмысқа күдікті 1989 жылғы Г. деген тұрғын анықталып, ұсталды.
Зеленов аудандық ішкі істер бөлімі ҚР ҚК 192-бабы 2-бөлігіне сәйкес (қарақшылық) сотқа дейінгі тергеу амалдарын жүргізуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).