ОРАЛ. ҚазАқпарат - Бүгін Оралда православие дінінің өкілдері Рождество мейрамын атап өтті, деп хабарлайды «ҚазАқпарат» ХАА тілшісі.
Құтқарушы Христ храмына келгендерді облыс әкімінің міндетін атқарушы Арман Өтеғұлов өңір басшысының атынан құттықтап, елімізде тыныштық пен бейбітшілік, ұлтаралық және дінаралық келісімнің салтанат құра беруіне тілектестігін білдірді. Елбасы ел бірлігі - біздің басты байлығымыз екендігін үнемі айтып келеді. Осы орайда Рождество православие дініне сенетіндердің басын біріктіретін ізгілік мейрамы ретінде тойланады. Сондықтан Мәңгілік елге жету жолында адамгершілік құндылықтарын насихаттаудың маңызы зор.
Рождество мейрамына орай діни шаралар қаланың басқа да шіркеулерінде, бірқатар аудандарда өткізілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).