ОРАЛ. 30 желтоқсан. ҚазАқпарат - Облыс әкімі Нұрлан Ноғаев Жаңа жыл қарсаңында облыстың бір топ соғыс, еңбек ардагерлері және зиялы қауым өкілдерімен бейресми түрде кездесті.
Кездесу барысында облыс басшысы тарих қойнауына сіңіп бара жатқан жыл ішінде атқарылған істер жөнінде баяндап, өмір тәжірибесі мол, кеудесі алтын сандық ардагерлер пікіріне құлақ түрді. Олардың арасында басшылық қызмет атқарған, өз саласының үздігі атанғандар да баршылық. Сондықтан ардагерлер кеңесі әрқашанда керек. Қазір де олар егемен елдің қоғамдық-саяси өміріне, мәдени тыныс-тіршілігіне белсене араласып жүр.
Ардагерлердің белсенді өмірлік және азаматтық ұстанымдары үшін Нұрлан Асқарұлы ризашылығын білдірсе, ақсақалдар ақ баталарын беріп, жаңа жылда жаңа табыстар тіледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).