ОРАЛ. ҚазАқпарат - Бүгін Оралда Халықаралық балаларды қорғау күніне орай шаралар ұйымдастырылды.
Қалалық мәдениет және демалыс саябағына балаларды мейрамымен құттықтауға облыс әкімі Нұрлан Ноғаев арнайы келді. Осында концерттік бағдарлама қойылып, балалар асфальтқа суреттер салды. Жеткіншек ұрпаққа ізгі тілегін арнаған өңір басшысы түрлі ойындарда үздік шыққан балаларға тарту-таралғылар табыс етті.
П.Атоян атындағы стадионда балалар үстел теннисі, шағын футбол, асық ойнауға, түрлі қашықтықтарға жүгіруге мүмкіндік алды.
«Әсет» кафесінде мүгедек 30 балаға тәтті үстелдер қойылса, «Атриум» сауда орталығындағы мейрамханада аз қамтылған отбасыдан шыққан 60 жеткіншекке дастархан жайылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).