20:48, 15 Тамыз 2012

БҚО әкімі Ескендір Хасанғалиевті қабылдады

ОРАЛ. 15 тамыз. ҚазАқпарат - 15 тамыз күні облыс әкімі Нұрлан Ноғаев Қазақстан Республикасының халық артисі, Мемлекеттік сыйлықтың иегері, әнші-композитор Ескендір Хасанғалиевті қабылдады.

Бұл күндері Оралда Е.Хасанғалиев әндерін орындаушылардың «Атамекен» халықаралық дәстүрлі ән фестивалі өтуде. Осыған орай туған жеріне келген Ескендір Хасанғалиев: «Биыл алтыншы рет өтетін «Атамекен» халықаралық ән фестиваліне Ресейдің көршілес Астрахан, Саратов, Орынбор облысынан да сайыскерлер келген. Отызға жуық үміткер қатысады. Аталған байқауға қатысушылардың жылдан-жылға көбеюі көңілге қуаныш ұялатады. Фестивальден соң ұлым Біржан екеуміздің «Ақ Жайық елім» атты шығармашылық кешіміз өтеді»,- деді.

Батыс Қазақстан облысы Мәдениет Қоғам Әкім

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).