ОРАЛ. ҚазАқпарат - Облыс басшысы Нұрлан Ноғаев тікұшақпен Ақжайық ауданы Бударин ауылдық округі аумағында жүргізіліп жатқан өрт сөндіру жұмыстарына қатысты.
Осы аумақта кеше тікұшақпен өртеніп жатқан 2 мың гектардай жерге 36 тонна су шашылған. Тікұшақпен су шашудың өз ерекшелігі бар. Ол әр ұшқанында 5 тонна сумен көтеріліп, өрттің жел жағынан шаша алады. Сонымен қатар өрттің жерден де сөндірілетіні белгілі. Қазіргі таңда аталған аумақта өрт сөндірілген, тек қайта қоздау қаупі болғандықтан, ерекше бақылауда. Осы орайда өңір басшысы өрт сөндіру кезінде адамдар мен техниканың қауіпсіздігін басты назарда ұстау қажеттігін ескертті.
Еске сала кетейік, биыл өңірде өрт жиілеп тұр. Соның ішінде Орал қаласы маңында бірнеше өрт оқиғасы орын алып, оның орманды, саяжай аумақтарын және темір жолды шарпығаны мәлім.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).