13:56, 17 Қыркүйек 2018

БҚО: Ақсайда атыс болып, ер адам ауруханаға түсті

ОРАЛ. ҚазАқпарат - Ақсай қаласында атыс болып, ер адам ауруханаға түсті, деп хабарлайды ҚазАқпарат тілшісі.

Оқиға 16 қыркүйек күні түнде «Ренко» қонақүйінің ауласында орын алды.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге қоңырау сағат 01.20-да шалынған. Жедел жәрдем бригадасы оқиға орнына алты минуттан кейін жеткен.

«Алдын ала мәліметке қарағанда, көптеген оқ жарақатын алған 1977 жылғы ер адам 01.30-да Бөрлі аудандық орталық ауруханасына жеткізілді. Басқа да жарақаты бар, 2-3-інші дәрежелі травматикалық есеңгіреу диагнозы да қойылған», деді А.Сақпосынова.

БҚО ішкі істер департаментінің баспасөз қызметі бұл оқиғаның мән-жайы анықталып жатқанын мәлімдеді.

Батыс Қазақстан облысы Оқиға
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).