ОРАЛ. 11 қараша. ҚазАқпарат /Елжан Ералы/ - Батыс Қазақстан облысында биылғы он айда 1236,0 млрд. теңгенің өнеркәсіп өнімі өндіріліп, өткен жылғыдан 9,0 пайызға артты.
Облыстық статистика департаментінен түскен мәліметке қарағанда, осының дені (1122,8 млрд. теңге) кен өндіру саласының үлесіне тиеді. Мұнда өсім - 8,5 пайыз. Әсіресе, табиғи газ өндіру - 16,8, газ конденсаты 10,2 пайызға көбейді.
Өңірде өңдеу өнеркәсібінде 90,6 млрд. теңгенің өнімі шығарылды, бұл өткен жылғыдан 15,4 пайызға артық. Соның ішінде машина жасау (2,1 есеге), резеңке және пластмасса бұйымдарын өндіру (1,5 есеге), мұнай өңдеу өнімдерін, өзге металл емес минералдық өнімдер (1,4 есеге), тоқыма бұйымдарын өндіру (1,2 есеге), азық-түлік өнімдерін өндіру (7,8 %-ға), киім тігу 1,8 %-ға асып түсті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).