ОРАЛ. ҚазАқпарат – Батыс Қазақстан облысында 11 қаңтар-20 ақпан аралығында көлікті мас күйінде жүргізген 128 жүргізуші 15 тәулікке қамалды, деп хабарлайды ҚазАқпарат тілшісі.
БҚО Полиция департаментінің баспасөз қызметінен мәлім еткендей, 128 жүргізушінің барлығы, сондай-ақ 7 жылға көлік басқару құқығынан айырылды.
Биылғы жыл басынан бері ҚР Әкімшілік құқықбұзушылық кодексінің 608-бабына сәйкес барлығы 172 жүргізуші жауапқа тартылды. Өткен жылдың сәйкес кезеңінде 259 адам осы бап бойынша заң бұзған еді.
Биылғы 11 қаңтардан бастап аталмыш кодекстің бірқатар баптары, соның ішінде көлікке мас күйінде отырғаны үшін берілетін жаза қатаңдатылғаны белгілі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).