ОРАЛ. ҚазАқпарат – Батыс Қазақстан облысында 14190 адам коронавирусқа қарсы вакцинаның бірінші компонентін салдырды, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, соның 4696-сы – медицина қызметкерлері, 2867-сі – педагогтар, 1280-і –құқық қорғау органдарының өкілдері, 5347-сі –басқа сала адамдары.
Оған қоса 3459 адам вакцинаның екінші компонентін алды.
Екпе науқаны басталғаннан бері облысқа 34300 доза вакцина жеткізілсе, соның 24150-і – бірінші, 10150-і – екінші компонент.
9 сәуірде әкелінген 14 мың доза (І компонент) өңірдегі медицина ұйымдарына бөлініп берілді. Тұрғындарды көбірек қамту мақсатында егу кабинеттері демалыс күндері де жұмыс істейтін болды. Атап айтқанда, 9 сәуірде – 1175, 10-ы күні – 1935, кеше 930 адам екпе салдырды.
Күні бүгінге дейін соңғы түскен вакцинамен 4040 адам (28,8 пайыз) егілді.
Алдын ала мәлімет бойынша осы айда тағы да 35 мың доза вакцина өңірге жеткізілмек.
Еске сала кетейік, бұдан бұрын БҚО-да соңғы төрт күнде коронавирус жұқтырғандар саны 500-ге жуықтағанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).