23:23, 06 Қараша 2017

БҚО-да 17 жұмысшымен еңбек шарты жасалмай, жұмысқа жіберілгені анықталды

ОРАЛ. ҚазАқпарат - Облыс прокуратурасының тапсырмасы бойынша БҚО бойынша еңбек инспекциясы басқармасы «AB Engineering» ЖШС-не тексеріс жүргізіп, соның қорытындысында Чинарев газ конденсаты кенішінде аталған кәсіпорынның 17 жұмысшымен еңбек шартын жасамай, жұмысқа жібергендігін анықтады, деп хабарлайды «ҚазАқпарат» тілшісі.

БҚО прокуратурасының баспасөз қызметінен түскен мәліметке қарағанда, аталған дерек бойынша «AB Engineering» ЖШС ҚР Әкімшілік құқықбұзушылық туралы кодексі 86-бабының 1-тармағына сәйкес (адамды еңбек шартын жасаспай жұмысқа жіберу) жауапкершілікке тартылып, оған 136 140 теңге салынды.

Батыс Қазақстан облысы Прокуратура

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).