ОРАЛ. ҚазАқпарат - Өңірлік үйлестіру кеңесінің кезекті отырысында «Бизнестің жол картасы - 2020» бағдарламасы аясында 2,9 млрд. теңгеге 13 жаңа жоба мақұлданды.
БҚО кәсіпкерлік және индустриалды-инновациялық даму басқармасынан түскен мәліметке қарағанда, бұл жобалар машина жасау, азық-түлік өнеркәсібі, құрылыс индустриясы, мектепке дейінгі тәрбие, бастауыш білім, стоматологиялық қызмет, сауда және жолаушылар тасымалдау салаларында жүзеге асырылуда. Орал қаласында, сондай-ақ Тасқала, Зеленов, Сырым аудандарында қолға алынған жобалардың басым көпшілігі айналым қаржысын толықтыруға арналған. Кәсіпкерлерге аталмыш бағдарламаның бірінші және екінші бағыттары бойынша банктен алған несиенің пайыздық мөлшерлемесін демеуқаржыландыруға қолдау көрсетілді. Жеңілдікті несиелер сондай-ақ жабдық, автокөлік, жылжымайтын мүлік алуға, құрылыс салу мен ғимараттарды қайта жөндеуге жұмсалмақшы.
Жобалар бойынша 38 жаңа жұмыс орнын ашу көзделуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).