ОРАЛ. ҚазАқпарат - Батыс Қазақстанда суға батып кеткен балықшының денесі әлі табылмай жатыр, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, Теректі ауданының 1978 жылғы тұрғыны 26 сәуір күні балық аулау кезінде Барбастау өзеніне батып кеткен.
Содан бері іздестіру жұмыстары еш нәтиже бермей отыр.
Бүгін сағат 08.00-ден бастап Оралдан барған жедел құтқару жасағының 4 қызметкері 1 техника, 1 жүзу құралының көмегімен Покатилов ауылынан 3 шақырым жердегі Барбастаудан іздестіру жұмыстарын жүргізді. Бұл да нәтижесіз аяқталды.
Еске сала кетейік, бұдан бұрын осы ауданда жоғалып кеткен тағы бір балықшының іздестіріліп жатқанын жазған болатынбыз.
Фото:stoizsta-yola.ru
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).