ОРАЛ. ҚазАқпарат – Батыс Қазақстан облысында 266 325 адам коронавирусқа қарсы вакцинаның бірінші компонентін салдырды, деп хабарлайды ҚазАқпарат тілшісі.
БҚО денсаулық сақтау басқармасы мәлім еткеніндей, бұл – егілуге жататын тұрғындардың 64,2 пайызы.
Сондай-ақ 248 959 адам (60 пайыз) екінші компонентпен егілді.
Күні бүгін облыста 83 405 доза І, 125 035 доза ІІ компонент екпе бар.
Өңірде 42 546 адам ревакцинациядан өтті. Оған қоса 8 561 адам Pfizer вацинасын қабылдаса, соның 4 414-і – жасөспірімдер, 300-і – жүкті, 3 847-сі – бала емізетін әйелдер.
Басқармадан түскен мәліметке қарағанда, пандемия басталғаннан бері 47 053, соның ішінд биыл 6 983 науқас анықталды.
Қазіргі кезде 751 төсектік 14 инфекциялық стационарда 361 адам емделуде. Ауруханалар 48,1 пайызға толған. Жансақтау бөлімшесінде жатқан 16 науқастың 10-ы инвазивті емес жасанды тыныс алу аппаратына, төртеуі оттегі концентраторына қосылған.
Жыл басынан бері 9 адам коронавирустан көз жұмды.
Еске сала кетейік, бұдан бұрын БҚО-да жиналыс, конференцияларды өткізуге рұқсат берілгенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).