ОРАЛ. ҚазАқпарат - Зеленов аудандық №2 соты көші-қон заңнамасын бұзған Армения Республикасының азаматшасына қатысты әкімшілік іске нүкте қойды, деп хабарлайды «ҚазАқпарат» тілшісі.
БҚО сотының баспасөз қызметінен түскен мәліметке қарағанда, Приурал полиция бөлімінің көші-қон қызметкерлері құжаттарды тексеру кезінде облыс аумағына 2011 жылы келіп, содан бері ішкі істер органдарында тіркелмей, тұрып келе жатқан шетелдік азаматшаны анықтаған.
Көші-қон заңнамасына сәйкес келген адам күнтізбелік 5 күннен кейін ел аумағынан шығып кетуі немесе тіркелуі тиіс.
Армениялық азаматша көші-қон заңнамасын бұзғаны үшін кінәлі деп танылып, асырауында кәмелетке толмаған балалары бар екендігі ескеріліп, оған 10,5 АЕК көлемінде айыппұл салынды.
Сот қаулысы заңды күшіне енді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).