ОРАЛ. ҚазАқпарат – Батыс Қазақстан облысында 7-сынып оқушысы асылып қалды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға 20 қаңтар күні Бөкей ордасы ауданы Саралжын ауылында болды.
Кешке қарай адам тұрмайтын үйдің ауласындағы сарайда 2006 жылғы бала асылып қалған.
Дерек өзіне-өзі қол жұмсау ретінде тіркелді.
Бөкей ордасы аудандық полиция бөлімі оқиғаның себебі мен мән-жайын тексеруде.
БҚО білім басқармасының баспасөз қызметі ер баланың Қ.Сағырбаев атындағы орта мектептің 7-сыныбында оқығанын жеткізді. Ол толық отбасында тәрбиеленген.
Еске сала кетейік, өңірде өткен жылы осындай бірнеше оқиға тіркелген еді. Жаңақала ауданында қос бірдей 11-сынып оқушысы асылып қалса, Сырымда қыз бала өзіне-өзі қол жұмсаған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).