ОРАЛ. 3 сәуір. ҚазАқпарат - Батыс Қазақстан облысында биыл 700-ден астам мүгедек санаторлық-курорттық еммен қамтылмақ.
Бұл мақсатқа 46,0 млн. теңге бөлініп отыр. Сонымен қатар мүгедектерді әлеуметтік бейімдеу бағдарламасы жалғасып, олар қажетті көру, есту, қозғалу құралдарымен қамтамасыз етіледі. Осыған орай мемлекеттен бөлінетін қаржы жыл сайын ұлғайып келеді. Айталық, биыл мүгедектерге компенсаторлық жабдық алу үшін 66,9 млн. теңге берілген.
Мүмкіндігі шектеулі 638 бала, 2377 жалғызілікті қарттар, сондай-ақ бірінші және екінші топтағылар, психоневрологиялық дертке шалдыққандар әлеуметтік қызметкерлердің күтімінде. Бұған 18 жастан жоғары 357 мүгедекті қосуға болады. 2012 жылы үйде әлеуметтік көмекті ұйымдастыруға 437,2 млн. теңге қарастырылған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).