17:15, 11 Тамыз 2017

БҚО-да «Ақ бидай» ауыл спорты ойындары өтуде

ОРАЛ. ҚазАқпарат - Бүгін Зеленов ауданында VI «Ақ бидай» ауыл спорты ойындарының облыстық жарыстары басталды, деп хабарлайды «ҚазАқпарат» тілшісі.

БҚО дене шынықтыру және спорт басқармасынан түскен мәліметке қарағанда, аламан бәйгеде Тасқала ауданынан Бауыржан Мәмбетов баптаған «Аманат» атты сәйгүлік мәреге бірінші келді. Зеленовтық Марат Асановтың «Аймаңдайы» екінші, жаңақалалық Ерболат Айтқалиевтің «Назқоңыры» үшінші болып жетті. 11 шақырымдық топ бәйгеде М.Асановтың «Шалқыма» атты тұлпары алдына ешкімді салмаса, теректілік Яков Липнаудың «Сиявич», шыңғырлаулық Нұрболат Ақпановтың «Айтұмары» үздік үштікке ілікті.

Бірнеше күнге созылатын жарыс барысында сондай-ақ аударыспақ, теңге алу, жамбы ату, көкпар, волейбол, қазақ күресі, жазғы президенттік көпсайыс, гір спорты, қол күресі, асық ату, тоғызқұмалақ және шағын футболдан мықтылар анықталады.

Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).