ОРАЛ. ҚазАқпарат – Батыс Қазақстан облысында Ақтөбе бағытындағы республикалық жол жабылды, деп хабарлайды ҚазАқпарат тілшісі.
«ҚазАвтоЖол» ЖШС БҚО филиалының мәліметі бойынша 19 ақпан күнгі жергілікті сағат 20.40-тан бастап Ақтөбе облысында ауа райының нашарлауына байланысты республикалық маңызы бар Самара-Шымкент автожолында (392-526 км, Жымпиты ауылынан Ақтөбе облысының шекарасына дейін) барлық көлік түрлері үшін қозғалысқа шектеу қойылды.
Жабылу себебі – қатты боран.
Осыған байланысты БҚО ТЖ департаменті аталған бағытта жолға шықпау керектігін ескертеді.
Еске сала кетейік, бұдан бұрын БҚО-да күн райының нашарлауына байланысты екі республикалық жолдың жабылғанын жазған болатынбыз.
БҚО ТЖ департаментінен түскен мәліметке қарағанда, қазіргі кезде Чапаев-Жалпақтал-Казталов-РФ шекарасы және Орал-Атырау бағытындағы жолдар ашық.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).