ОРАЛ. ҚазАқпарат – Батыс Қазақстан облысында жел күшейіп, жаяу бұрқасын жүреді, деп хабарлайды ҚазАқпарат тілшісі.
«Қазгидромет» РМК-ның облыстық филиалының мәліметі бойынша, 6 желтоқсан күні өңірдің кей жерлерінде жаяу бұрқасынмен қоса, тұман, көктайғақ күтіледі. Оңтүстік-батыстан, батыстан соғатын желдің жылдамдығы секундына 15-20 метрге жетуі ықтимал.
Ал облыс орталығы Оралда тұман, көктайғақ және екпіні секундына 18 метрге жететін жел болжанады.
Осыған байланысты өңірдің Төтенше жағдайлар департаменті ескерту жариялады.
Еске сала кетейік, бұдан бұрын елордада және өзге бірқатар өңірде ауа райына байланысты ескерту жарияланған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).