ОРАЛ. ҚазАқпарат – Батыс Қазақстан облысында ауа райының нашарлауына байланысты автожол жабылды, деп хабарлайды ҚазАқпарат тілшісі.
«ҚазАвтоЖол» АҚ БҚО филиалының мәліметі бойынша қатты жел мен көктайғаққа байланысты 27 күнгі сағат 10.05-тен бастап Чапаев-Жалпақтал-Қазталов жолы жабылды.
Чапаев-Қазталов аралығында барлық көлік түрлері үшін қозғалысқа шектеу қойылды. Бұл туралы БҚО ТЖ департаменті хабарлады.
Еске сала кетейік, бұдан бұрын Батыс Қазақстанда жаяу бұрқасын соғып, көктайғақ болатынын, шетел азаматы жүк көлігімен трассада қалып қойғанын жазған едік.
Бүгін Орал қаласында да күн боран болып тұр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).