ОРАЛ. 1 қаңтар. ҚазАқпарат - Ақжайық ауданының әкімі Нариман Төреғалиев аудан орталығы Чапаев ауылында тұратын Ұлы Отан соғысына қатысушыларды, тыл және еңбек ардагерлерін үйлеріне барып, Жаңа жыл мерекесімен құттықтады.
Аудан басшысы аға буынның еліміздің алға басуындағы еңбегі мол екенін атап көрсетіп, оларға ұзақ ғұмыр, өмір бақытын тіледі.
Сол секілді Сырым ауданының әкімі Абат Шыныбеков бастаған басшылар соғыс ардагерлері Уәлихан Қасмұханов, Мырзахмет Өтешев, Ләтифолла Кереевтердің шаңырақтарына ат басын бұрып, жаңажылдық лебіздерін арнады. Майдангерлердің хал-жағдайын біліп, емен-жарқын әңгімелесті.
Аудандар басшылары елге еңбегі сіңген ардагерлерге облыс әкімі Нұрлан Ноғаевтың құттықтау хатын, естелік сыйлықтарды табыс етті.
Мұндай құрмет үшін ақсақалдар алғыстарын білдіріп, ақ баталарын берді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).