ОРАЛ. ҚазАқпарат – Батыс Қазақстан облысында ауылдасын пышақтап өлтірген күдікті ұсталды, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға Сырым ауданы орталығы Жымпиты ауылында болды.
Үйлердің бірінен 5 қараша күні шамамен сағат 16.10-да зорлықпен өлтірілген (пышақ жарақаты) 1968 жылғы ер адамның мүрдесі табылды.
Осы қылмысқа қатысты 1977 жылғы Н. деген күдікті анықталып, ұсталды.
Қазіргі кезде ҚР ҚК 99-бабына сәйкес (кісі өлтіру) тергеу амалдары жүргізілуде.
Ауыл тұрғындарының сөзіне қарағанда, бірнеше адам қосылып арақ ішкен.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).