ОРАЛ. ҚазАқпарат - Батыс Қазақстан облысындағы жол апатынан жарақат алған адам ауыр халде жатыр, деп хабарлайды ҚазАқпарат тілшісі.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, Ақжайық аудандық орталық ауруханасында жатқан 1983 жылғы ер адамның миы шайқалған, жабық бас-ми жарақатын алған. Іші мен кеуде тұсына зақым келген. Қазір жағдайы қалыпты, есін жиған.
Еске сала кетейік, кеше Орал-Атырау жолының бойында, Ақжайық ауданы аумағында жолаушылар автобусы мен жүк көлігі соқтығысып, салдарынан қос бірдей жүргізушінің (Өзбекстан азаматтары) қаза тапқанын жазған болатынбыз. Ал автобуста болған екінші жүргізуші, Жамбыл облысының тұрғыны аудандық ауруханаға жеткізілген еді.
Фото: baddrug.news
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).