ОРАЛ. ҚазАқпарат - Кеше сағат 20.10 шамасында Теректі ауданы Подстепный ауылы маңында қайғылы оқиға орын алды, деп хабарлайды «ҚазАқпарат» тілшісі.
БҚО ІІД баспасөз қызметінен түскен мәліметке қарағанда, 1966 жылғы жүргізуші жолаушылар тасымалдайтын «ПАЗ» автобусымен «Нефтэк» жанар-жағар май стансасына бұрылған кезде «DFMCO» ныспылы мотоциклге жол бермеген. Соның салдарынан 1985 жылғы мотоцикл жүргізуші оқиға орнында көз жұмды.
Аталған дерек бойынша ҚР ҚК 345-бабы 3-бөлігіне сәйкес қылмыстық іс қозғалып, Теректі аудандық ішкі істер бөлімі тергеу амалдарын жүргізуде.
Айта кетейік, бұл мотоциклдің қатысуымен болған бірінші оқиға емес. Бұдан бұрын дәл осындай қайғылы жағдай Орал қаласында тіркелген болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).